Hè sparitu u 26 di sittembre, u nostru amicu Ghjiseppu Simeoni à l’età di 87 anni. Militente di e prim’ore di l’ARC, pò di l’UPC, Ghjiseppu hè sempre statu à fiancu à noi in tutte e nostre lotte. À a so figliola, Noellie, a so figliulina Pasquale, u so maritu Sergiu Fortini, u so figliulinu Ghjuvan’Lucca è a so moglie Delfina, l’arcifigliulini Lesia, Ghjulia è Faustina, tutti i parenti è l’amichi, Arritti prisenta e so cundugleanze afflitte è fraterne. Ghjiseppu era un sustegnu fidu di u nostru settimanale è u pienghjimu incù i soi. Riposi in pace o amicu.