Tamanta tristezza !

Hè partutu Santu Montera

Si n’hè andatu Santu Montera. U cantatore  di Vitalba era un gran’musicante è una  voce cusì bella chì lascia un viotu  tamantu. L’omu era appreziatu assai da a so  gentilezza, a so umanità, u so spìritu schietu.

Campava cù a passione di a Corsica in core è a  so sparizione brutale ci addulurisce à tutti.  L’umagii si sò multiplicati nant’à e rete suciali,  in carrughju, in caffè, tutti èranu sbiguttiti da a  gattiva nutizia. À a so moglie, a so figliola, tutti  i soi, parenti è amichi ind’è u dolu, Arritti  manda cundugleanze afflitte. Riposi in pace o  amicu, vai à cantà e fureste di sole, i chjassi di  u sperà, eppò l’eternità…