Prete Michele Petrolacci Stephanopoli s’hè spentu à l’età di 84 anni, u 22 di ghjennaghju scorsu.
Era statu urdunatu in u 1961 è hà compiu u so ministeru à a ghjesgia Notre- Dame de Lourdes in Bastia. Hà servutu Cristu è a ghjesgia di Corsica à longu à 59 anni è compiu a so pretizia in a Catetrala Santa Maria di Bastia induv’ellu hè statu archiprete. Avìa dinù fundatu a ghjesgia San Paulu in Toga.
Campava a so ritirata aiutendu a messa in Notre-Dame de Lourdes, in San Paulu è in Santa Lucia in Ville di Petrabugnu.
Prete Petrolacci era un omu di bè, vicinu à i fideli, appreziatu da tutti, sempre dispunìbule à u serviziu di Diu è di l’omi. Aldilà di u raportu cù u servitore di Diu, ci era per noi l’amicu è l’omu attaccatu à a sorte di a Corsica è di u so pòpulu. Un bellu umagiu li hè statu resu ssu 25 di ghjennaghju in a ghjesgia Notre Dame de Lourdes cù parechji preti è u Vescu di Corsica venuti à accumpagnalu versu u lume ver di u quellu ci hà guidatu fin’à u so ùltimu soffiu.
À u so fratellu, i so nipoti, tutti i soi, e nostre cundugleanze afflitte.
Ripusate in pace caru sgiò curà.