Vènari u 22 d’ottobre in Biguglia à pàrtesi di 6 ore

Grande serata Scola Corsa cù Felì, l’Attrachju, Missaghju…

Vènari u 22 d’ottobre u Spaziu Carlu Rocchi in Biguglia, Scola Corsa invita à una grande serata cù Felì, l’Attrachju, Missaghju…

Affàccatevi numarosi à pàrtesi di 6 ore di sera. Ci serà da beie è da manghjà ! È ci seranu banchi è ghjochi pè i zitelli.

Scola Corsa urganizeghja dinù una grande tombolà cù parechji lotti da vince : un bigliettu d’aviò offertu da Air Corsica, un bigliettu di battellu per duie personi offertu da Corsica Ferries, biglietti di stadiu offertu da u Sporting Club di Bastia, prudutti turchini offerti da i Socios, bon’di 30 € d’essenza offerti da Vito Corsica, CD offerti da a Scola Subissi, CD offerti da Missaghju, CD offerti da Felì è Scola in Festa, appuntamentu offertu ind’è JL Coiffure, entrate à Judiqland, iniziazione à u Tiru à l’Arcu offertu da l’Asptt Tiru à l’Arcu di Bastia, ecc, ecc.

Affaccàtevi numarosi è sparghjite l’infurmazione in giru à voi da sustene e prime scole assuciative d’insignamentu immersivu sanu sanu in lingua corsa ! Da ch’ella campi a nostra lingua ! •