Settimanale naziunalistu corsu dapoi 1966

N°2956

da u 29 d'ottobre à u 4 di nuvembre di u 2026

Ci spùtanu in faccia

Senat_3

le 29/10/2026

Par Fabiana Giovannini

Diciendu innò à l’accordu truvatu trà Corsica è Parigi, a dritta è a strema dritta à u Senatu, cù qualchi votu d’una manca anch’ella arcàica, anu presu una rispunsabilità tremenda di fronte à l’avvene.
Più di 250 anni d’una stòria dulurosa dopu à a cunquista francese in u sangue è a suffrenza di maghju di u 1769. 60 anni di lotta è di rivendicazioni ripetute, ind’è l’urne, in carrughju, in fronte à e porte di e prigiò, à le volte sin’à in campu santu… 10 anni di vittòrie eletturale naziunaliste, sempre più impurtante, scrutinu dopu à scrutinu. L’assassinatu d’un prefettu è e decine d’annate d’inghjustizie è di vindette statale ch’anu seguitatu.

L’agressione murtale d’Yvan Colonna in circustanze chì palèsanu un cumandamentu. Rivolta quasi insurezziunale di a giuventù in carrughju. Quattru annu dopu pè a custruzzione d’un cumprumessu di fronte à l’avvene, cù neguziazioni dure sin’à truvà un equillìbriu fragile. U votu quasi unanimu di l’Assemblea di Corsica. Upinioni corsa è francese ch’ùn anu fattu chè cresce à favore di ssu prucessu di Beauvau. 61% di i Corsi à dumandà l’autunumia (èranu 45 % in 2009). Sò torna 64 % à favore di l’autunumia quelli ch’anu vutatu à diritta in 2021, 53 % quelli ch’anu vutatu RN, 50 % quelli ch’anu vutatu à manca. 66 % di i Corsi torna si sò detti à favore d’un votu di u Senatu. Èranu 62 % in 2025 (altru sundagiu rializatu da l’Ifop). 87 % di i Corsi è 60 % di i francesi si sò detti à favore di a ricunniscenza in a Custituzione d’una cumunità isulana stòrica, linguìstica è culturale, ch’hà sviluppatu una lea singulare cù a terra corsa.

Frà i giòvani trà 18 à 34 anni, sò ancu 97 % ! È sò torna 83 % dinù i « Corsi d’adduzzione ». 85 % di i Corsi torna è 65 % di i francesi (chì càmpanu in Francia) si sò detti à favore di a pussibilità pè a Cullettività di Corsica di dassi e so pròpie règule in duminii di cumpetenza cum’è a lingua corsa, l’accunciamentu di u territoriu, e lee cù u spàziu mediterràniu, u turìsimu, u sviluppu ecunòmicu eccèttera. 82 % di i Corsi è 58 % di i francesi si sò detti à favore pè a Cullettività di Corsica d’aduprà certe lege è regulamenti naziunali pè e specificità di l’ìsula. 72 % di i Corsi (49 % di i francesi) si sò detti à favore d’un statutu di residente da permette l’accessu à a prupietà dopu à un tempu mìnimu di residenza. 80 % di i Corsi si sò detti à favore di a cuufficialità di a lingua corsa. Sò dinù 80 % frà i « corsi d’adduzzione ». Listessu pè u statutu di residente : 72 % di a ghjente interrugata sò d’accunsentu. 73 % di i Corsi torna si dìcenu à favore d’una vera autunumia. Èranu 52 % in 2003, vale à dì 21 punti di più in 23 anni ! 87 % di i giòvani trà 18 à 34 anni, sò à favore di l’autunumia (64 % di i Corsi). L’avemu detta, l’Ifop hà dinù interrugatu francesi in Francia nant’à a sorte di a Corsica : 57 % si dìcenu à favore d’un statutu d’autunumia (èranu 52 % annu scorsu). È sò 66 % frà i giòvani trà 18 à 34 anni. Infine 62 % di i francesi bramàvanu un votu favurèvule di u Senatu senza mudificazioni à u prugettu di lege (66 % frà i Corsi).
Tuttu què per dì quantu u votu di u Senatu stu 26 d’ottobre hè un prufondu denecu di demucrazia. Ghjè un irrispunsabilità tremenda chì lascia oghje l’ìsula senza suluzione. •

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Pulìtica naziunale

Autunumìa di a Corsica

le 04/11/2026

Le débat calamiteux du Sénat sur la question corse a créé une situation de blocage périlleuse. L’État français en ressort…

Projet de loi constitutionnelle sur l’autonomie de la Corse

le 30/10/2026

Non à la « communauté insulaire historique, linguistique et culturelle ayant développé un lien singulier avec la terre ». Non…

Université R&PS 2026 à Colmar

le 30/10/2026

Les Universités R&PS 2026 de Colmar en Alsace étaient organisées cette année par les militants d’Unser Land et étaient placées…

Da leghje dinù

Ukraine 2

Accapu di a reddazzione

le 04/11/2026

Ùn ci hè guerre senza atrocità. Ùn pòrtanu chè sangue è suffrenze sparghjendu malamorte. Ma l’omu pò circà di mustrassi…

21 di nuvembre in Biguglia

le 04/11/2026

60 anni

Attualità : 05/11 - 11/11

le 04/11/2026

biosurveillance-abeille

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca