Hè u solu santunaghju corsu à a nostra cunniscenza, Didier Andreani fabricheghja i santoni pè u presepiu !
Da u Naziunale, à u pastore cù u so pilone, u cacciadore cù u so cursinu, i paghjellaghji, u coppiu di vechjetti, l’acquaghjola, u banditu, a marcante di clementine, a muvra, u zitellu ghjuchendu à a morra ecc… di chè arrichisce di manera nustrale u vostru presepiu ! Senza scurdassi ben intesa di Ghjiseppu, Maria è u bambinu, a vacca è u sumere. Una quarantina di mudelli di santoni sò dispunìbuli. Didier Andreani risponde dinù à cummande speciale è prupone per un dettu un Pasquale Paoli !
L’artisgianu pruduce in Corsica, in u so attellu di Patrimoniu è pudete fà e vostre cumande nant’à Facebook, o nant’à u situ internet di l’impresa. In più di i santoni, l’artisgianu face dinù creazioni nant’à u legnu, urilogi, portachjave, cacciatapi, ecc. •
Per fà e vostre cumande : Corsica-creations.com
