Scrivìtevi ! Inscrivez-vous !

A rientrata di Scola in Festa

Scola in Festa, a scola di cantu, ballu, mùsica è lingua fundata da Felì in I Fulelli face a so 22a rientrata quist’annu ! Si ferà stu sàbatu u 10 di sittembre à longu à una ghjurnata porta aperta à a Mediatecca da 10 ore à 6 ore di sera. Affaccàtevi !

 

Più di 350 elevi sparsi trà tutte l’attività, Scola in Festa accoglie i ciucci da 3 anni pè u svegliu musicale, à i più anziani ! U cantu hè amparatu ma dinù u viulinu, u pianò, e percussioni, cù corsi persunalizati ma dinù in urchestrazione. Scola in Festa dà corsi dinù di ballu, cù un partenariatu cù a scola di ballu clàssicu è u cunservatoriu Henri Tomasi di Penta di Casinca. Parechje cunvenzioni cù d’altri associi permèttenu di migliurà torna l’insignamentu. Cusì, l’Adecec dà corsi di lingua a sera pè e personi maiò, a cumpagnìa « Les mines de rien » dà corsi di teatru, « Arts è Sport » impara u ballu mudernu è u jazz è u Centru d’Arte pulifònicu, a pulifunìa. Cusì sarà duppiatu u nùmaru di zitelli è personi ch’anu da affaccassi quist’annu in i lucali di Scola in Festa. Sò una decina d’insignanti à spàrtesi u travagliu ! Scola in Festa hè aiutata da a Cullettività di Corsica, a cumuna di Penta di Casinca è a Cummunità di e cumune di Casinca Castagniccia.

Affaccàtevi sàbatu à scuntrà è visità i lochi !

 

Une journée porte ouverte est organisée ce samedi 10 septembre à la Médiathèque de I Fulelli pour présenter les activités de Scola in Festa et prendre les inscriptions 2022-2023. Cours d’éveil musical, techniques de chant, poliphonies, mais aussi violon, percussions, piano, violoncelle, sont prodigués par une dizaine d’enseignants. Plusieurs partenariats permettent d’élargir encore les offres d’activités, avec l’école de danse classique et le conservatoire Henri Tomasi, l’Adecec, la compagnie Mines de rien, Arts et Sport, pour la langue, le théâtre, la danse, la poliphonie. Venez visiter les lieux et vous informer ce samedi 10 septembre à la Médiathèque de I Fulelli de 10h à 18h ! •

 


 

Stu principiu di sittembre hè statu marcatu dinù da a seconda rientrata di Scola Corsa ! Da 25 elevi è 5 impiecati annu, Scola Corsa passa à 70 elevi è 11 impiecati cù 3 scole (Bastia, Biguglia è Sàrrula è Carcupinu) ! Una bella rièscita, è tamanta fiertà per tutti i difensori di a nostra lingua chì s’impègnanu à st’operata ! Arritti ne rivenerà à parlà. Ramentemu ch’avemu cunsacratu u nostru nùmaru speciale d’Aostu à ssu primu anniversariu di e nostre scole. U pudete cummandà, chjamènduci o scrivènduci nant’à u nostru situ : arritti.corsica