S’hè spentu Anthony Esposito. Militente culturale, membru di a Cunfraterna di San Ghjuvan’Battista in Bastia, Anthony era impegnatu pè a so cità. Presidente di l’associu Bastia in Festa avìa cuntribuitu à rinfurzà a festa di a San Ghjuvà in u 2014, cù a vulintà di spàrghjela aldilà di u mercatu, fèndula risplendisce sin’à u Vechju portu, u Puntettu è a Citatella ! Era dinù spurtivu à u latu di i s’amichi di u rugby. Amava a festa, campava d’amicizia, era cusì Antony, impegnatu di cultura, di spiritualità, di spartera. Ferma à i so parenti è i s’amichi u ricordu d’un omu sinceru è inammuratu di a so terra è di a so cultura.
Dormi in pace, o Anthony. •
