Dolu

S’hè spentu Jules Giamarchi

S’hè spentu à l’età di 78 anni u nostru amicu Jules Giamarchi, militente patriottu di e prim’ore, postu ch’ellu avìa militatu à u Fronte Regiunalistu Corsu in principiu di l’annate 70. Militente di a lotta di liberazione dopu, ingaggiatu in a clandestinità, anzianu prigiuneru, omu ghjustu è sinceru, Jules era statu cundannatu à 10 anni di prigiò da a Corte di Sicurezza di u Statu in u 1979, pè u so ingaggiamentu tutale pè a Nazione è pè u pòpulu.

Arritti manda cunduleanze afflitte à tutti i soi, parenti è amichi oghje ind’è a pena. Ch’ellu riposi in pace in u paradisu eternu. •