Vincentu Ciccada si n’hè andatu. Era malatu da pocu, è ci hà lasciatu subitamente.
Chella fussi pà u so paese di Pila Canale è u rughjonu di u Tàravu, ch’ellu tinìa assai cari, o prufessionnalmente cum’è sindicalistu, o, pigliata a so ritirata, cum’è militentu assuciativu, criatore di a radiu assuciativa aiaccina Frequenza Nostra, è sopratuttu, durante quarant’anni è più, cum’è cumbattante di l’eculugìa, à u Garde, à u Cumitatu anti-Vaziu, ecc.
Vincentu era sempre mubilizatu par l’altri, pà i so paisani, pà i so culleghi di travagliu, è par tutti l’amichi di a tarra corsa. Naziunalistu, elettu cù Corsica Nazione in l’annate nuvanta à l’Assemblea di Corsica, Vincentu sapìa cusì bè esse à l’ascolta di a ghjente è purtà u so aiutu à tutti.
Ci mancaranu assai, a so cursità, a so bravezza, è a forza di i so ingaghjamenti. Arritti manda e so cundulianze afflitte à tutti i soi. •
