Emu amparatu incù tristezza a sparizione d’Eric Pancrazi, chì si n’hè andatu à l’eternu u 10 di marzu scorsu, à l’età di 56 anni. Era u figliolu di Maria-Intunietta è Ghjuvanni Pancrazi, è u fratellu di Maria-Petra è Nurbertu Pancrazi. Originariu di Cambia (San Quilicu è Loriani) è di U Monte (Divina), era appassiunatu di a terra corsa è di e so tradizione. Da giòvanu, in famiglia, à l’èpica di u riacquistu, avia participatu à parechje stonde militante, cum’è à u famosu cungressu di Furiani, u 14 d’aostu di u 1977 (fotò quì sottu, tenendu alta a bandera, pull marinu). Arritti prisenta à i soi e so cunduleanze afflitte è fraterne. Ch’ellu riposi in pace. •
