S’hè spentu Ghjuvan Ghjàcumu Albertini.
Ghjuvan Ghjàcumu Albertini fù unu di i primi capimachji di l’ARC è di l’UPC. Era un omu fattu di rispettu è di fideltà. Fideltà à a so terra, à a so cultura, à a so lingua è à a so lotta pà a libertà. Rispettu à i so ingaghjamenti pulìtichi, à l’ARC, à l’UPC, à Edmond è à Max.
Dopu à l’avenimenti d’Aleria, hà giratu a Francia par pupularizà a lotta autunumista. Quantu
semu, chì èramu tandu studienti in cuntinentu, chì l’avemu intesu parlà di a Corsica è chì, dopu, avemu dicisu di turnà à campà in u nostru paese ?
Puntellu di l’ARC in l’annate sittanta, Ghjuvan Ghjàcumu Albertini hà participatu à i principii d’Arritti, è hè sempre firmatu fidu à u nostru ghjurnale. S’era ritiratu in Corti, a so cità.
À tutti i soi, parenti è amichi, Arritti manda e so cundulianze sincere è afflitte. •
