S’hè spenta Francine Bianconi, nata Grazietti, à l’età di 99 anni. Hà raghjuntu u so sposu caru Ghjiseppu Bianconi, è a so figliola Josette, spariti qualchi annu fà. L’anziani militenti sanu ciò ch’elli anu purtatu tremindui à a lotta. Militenti fidi è sinceri, rispundìanu sempre presenti, scumbattendu à u latu di i fratelli Simeoni ancu durante l’annate e più diffìciule è senza mai sfiatà o lagnassi. Francine era una amica franca di tutte e nostre lotte è più particularmente di u nostru settimanale. Militenti cum’è elli ùn si ne face più. Arritti manda cunduleanza afflitte à e so figliole, Julia è Maria, i so figliulini, nipoti è niputini, tutti i soi adduluriti. Ripusate in pace cara Madama Bianconi. Ùn ci scurderemu di voi. •
