Ghjunta da a Brittagna, avìa spusatu a Corsica, maritata à l’anzianu deputatu à l’Assemblea naziunale, Ghjuvanni Ugu Colonna. Cicilia Colonna, nata Riou, s’hè spenta in Carghjese u 29 di nuvembre 2025. Avìa 92 anni.
Cicilia è Ghjuvanni Ugu èranu i parenti adduluriti d’Yvan Colonna, strappatu à l’affettu di i soi trè anni fà. Era a mamma dinù di a nostra amica è surella di lotta, presidente di u cunsigliu naziunale di Femu a Corsica, Cristina Colonna, è di u so fratellu Stèfanu Colonna.
Hè stata purtata in terra stu 2 di dicembre, à ritruvà u so figliolu caru.
À u so sposu Ghjuvanni Ugu, i so figlioli Cristina è Stèfanu, tutti i so figliulini, parenti è amichi, Arritti manda cunduleanze afflitte è fraterne.
Ch’ella riposi in pace. •
