S’hè spenta u 30 d’aostu Simone Simeoni nata Scarbonchi. Era a moglie di Orlandu Simeoni smaritu nove anni fà. Cù ella si ne và un pocu di più tutta sta generazione di militenti schieti è appassiunati ch’anu purtatu alta a bandera mora è insuffiatu brama è speranza à u pòpulu corsu.
N’averà campatu Simone mumenti gravi è sulenni à fiancu à i fratelli Simeoni ! Si dice chì daretu à ogni grandezza d’omu ci hè una grande donna, è ghjera cusì Simone, militente discreta ma presenta è fida à l’ideale chì ci porta.
À u so figliolu, Ferdinande, e so figliole Gabrielle è Ginuveva, i so sòceri, i so figliulini è arcifigliulini, a so surella, e so cugnate, i so nipoti tutti i parenti è l’amichi, Arritti manda cunduleanze afflitte è fraterne.
Riposa oghje in pace Simone in a terra di Niolu, à cantu à u so maritu Orlandu è i so cugnati Màssimu è Edimondu Simeoni. •
