Amparemu cù un immensa tristezza a morte di a nostra amica, surella di lotta, Stella Lacrimini.
Militente naziunalista, anziana prigiunera pulìtica, Stella era donna di fede, di generosità, di sincerità, di determinazione. A nostra ìsula perde una militente di prima trinca. Donna di passione pè u so paese, a so stòria, a so cultura, s’hè impegnata assai pè i prighjuneri pulìtichi. A messa serà detta in ghjesgia di San Petru in Luri, pò serà purtata in tarra a so salma l’8 dicembre, ghjornu di a nazione ch’ella hà diffesu tantu.
ARRITTI manda cunduleanze afflitte è fraterne à tutti i soi adduluriti. Riposi in pace o Cara. •
