Antone Feracci s’hè spentu l’8 di dicembre in Corti, à l’età di 74 anni. Ghjurnalistu à Corse-Matin, avìa tenutu l’agenza curtinese di u cutidianu. Militente di a lingua è a cultura corsa, difensore di l’ambiente, era una persunalità di a cità di Corti. Avìa fundatu l’associu A Rinàscita di u vechju Corti in u 1975, diventatu in 2007 un centru permanente d’iniziative per l’ambiente (CPIE). À longu à 50 anni à scumbatte, hà fattu di ss’associu una a vera rinascita culturale per Corti. Arritti saluta a memoria di u ghjurnalista è l’impegnu militente à prò di a lingua, a cultura, l’ambiente. Cunduleanze afflitte à tutti i soi. •
