S’hè spentu dinù Ghjuvan’Marcu Rodriguez u 13 di ghjennaghju. Militente indipendentista è merre di Poghju di Vènacu dapoi u 2014, era rispunsèvule di l’esecutivu di Nazione.
Ghuvan’Felice Acquaviva, presidente di u Cumitatu di a Muntagna li rende umagiu diciendu ch’ellu « participava regularamente à u Cumitatu di a Muntagna corsa è à a so cummissione permanente. Aghju avutu assai piacè à cunnòscelu è à travaglià cun ellu, chi à spessu, per ciò chi riguarda à i nostri paesi, « a pratica vince a gramatica » è ci simu trovi nant’à listesse vie, listessa vista à prò di u prughjettu di sucetà per a Corsica è u so internu. Hà da mancà assai à u muvimentu naziunale, à a Corsica, à u so paese. » Cunduleanze à tutti i soi adduluriti. Ch’ellu riposi in pace. •
