Rugeru Maestracci era un militente autunumista fidu è sincere di u paese di Lumiu sempre à u latu di l’amicu Ghjuvanni Paolini smaritu anch’ellu in 2020.
Rugeru s’hè spentu à l’età di 91 anni u 25 d’aprile scorsu. Hà ritruvatu in cielu u so figliolu Ghjuvan’Ghjorghju è u so fratellu Mauriziu.
Durante anni è anni hè statu un sustegnu fidu d’Arritti, sempre à mette manu in stacca per aiutacci. Più giòvanu hè statu dinù sociu di u Cunsigliu Supranu di l’UPC.
Rugeru era di sti militenti chì rispundìanu di sì à tutte e chjame.
À a so sposa, Silviana, u so fratellu, Ghjorghju, i so nipoti, tutti i parenti è l’amichi, Arritti manda cunduleanze afflitte è fraterne.
Riposi in pace amicu caru. •
