Cum’è l’Associu di u Ricordu di Ponte Novu in un cumunicatu, ARRITTI vi dumanda d’avè una pensata l’8 di maghju per ssu sprichju di a nostra stòria è per tutti quelli chì sò cascati in Ponte Novu pè a libertà di u pòpulu corsu.
«A nostra cara Corsica hè tocca dà un velenu venutu dà luntanu chi tocca di più in più i nostri. Ghjè per quessa chì a cumemurazione di a battaglia di Ponte Novu un si puverà tene l’8 di maghju 2020.
Per rispettu à l’omi è e donne chì so partuti è quelli marturiati chì lòttanu sempre, un màzzulu di fiore serà postu dà nanzu à a croce di u ricordu è un antru serà lampatu in Golu per rende quantunque un pìcculu umagiu.
Vi pregemu salute à tutti, speremu ritruva vi quist’annu chi vene. »
L’Associu di u Ricordu di Ponte Novu
