L’associu Ricordu di Ponte Novu v’aspetta pè una ghjurnata di memoria è di storia Ghjovi l’8 di Maghju di u 2025, per rende un umagiu à quelli eroi cascati pè a nostra Libertà, è vultà nant’à più di 250 anni di resistenza.
Eccu u prugramma :
2 ore. Cunferenza da Kevin Petroni duttore in cultura è lingue regiunale
5 ore. Messa in corsu è prucessiò cù e Cunfraterne è l’Associu I naziunali
7 ore. Veghja Nustrale è apertura di u bancone incù vitellu arrustitu accant’à u ponte.
I Fochi paoli seranu presenti pè i 300 anni di a nàscita di Pasquale Paoli incu a fiàccula in memoria di u Babbu di a Pàtria.
Inseme, ramintemu ci a nostra storia è tramandèmula.
O Corsu, ùn ti scurdà di a to stòria ! •
