Un pìcculu agnellu era andatu à beie un buccellu in lu fiumicellu di u Prunellu…
Affacca un lupacciu ussicutu falatu da quelle cume :
– O Caprò… sè tù ch’ai lampatu u mercurochrome in lu fiume ?
– O Sgiò Lupu… serà Richaud (1). Eiu ùn sò capace d’issu fattu. Eppò, ùn hè micca mercurochrome, hè permenganattu…
– Megliu… ti ridi di mè nè più nè menu. Ùn hè toscu hè vilenu. Sò chì dighjà annu, m’ai vituparatu…
– Annu ? Eccellenza, ùn eru ancora natu…
– Allora sarà Bàbbitu, cunnoscu tutti i so fatti è detti.
– Babbu ? Corciu ch’ellu hè, face a barre-fixe ind’è Martinetti (2).
– È Madama Pecoras ? Cù u so mantellu in astrakan, ùn li piàcenu forse micca, i cancans ?
Ùn parlemu di u to Bastilicacciu di Patrone, chì m’hà lintatu i cani in parechje occasione… Hè ora ch’ella finischi cù tutti issi brutti : tù, pacarè par tutti !
U s’hà magnatu… Forse s’hè strangulatu.
Fiatu.
Muralità
Signori Ghjùdici… à fà a barre-fixe ind’è Martinetti,
Mandàteci i lupi chì fùranu agnelli è capretti. •
- Richaud : spiziale aiaccinu.
- Martinetti : macillaru aiaccinu.
