U prugramma ferma sempre riccu per l’anniversariu di u tricentinariu di a nàscita di Pasquale Paoli. L’Università chì porta cù fiertà u nome di u Babbu ci partecipeghja ben intesa, dapoi u mese di marzu è per tutta l’annata. « Cullocchii, mostre, spettaculi… per via di una trentina d’evenimenti urganizati à traversu l’isula, rende umagiu l’Università di Corsica à sta persunalità maiò di a storia isulana. U scopu : trasmette a so làscita è ispirà si di l’aspetti nuvatori di a so azzione ». Eccu i pròssimi appuntamenti di ghjugnu.
- 13 di ghjugnu
Spittaculu : Paoli in cantu in Portivechju. Prupostu da i studienti di u Diplomu universitariu di Statu Mùsiche è canti nustrali di a Corsica è di u Mediterràniu, una creazione nant’à una struttura Chjami è rispondi, cuntrastu, lamentu.
- 20 di ghjugnu
Cullocchiu : Tribuna di circatori A Corsica indipendente in u Mediterràniu di u XVIIIu sèculu – in Bastia, Chambre des Territoire
- 26 di ghjugnu
Sfide studientine : Rimessa di i prèmii di u cuncorsu studientinu Paoli 3.0 et Paoli quì – in Corti. Prupostu da i studienti di u BUT Mistieri di u Multimedia è di l’Internet, cù pruduzzioni visuale nant’à l’òpera di Pasquale Paoli.
- 28 di ghjugnu
« A Cerca Paulina » : mostra itinerante, cìculu di cunferenze è publicazioni – in Nonza, cunferenza d’Eugène Gherardi « Pasquale Paoli, u Capicorsu è a torra di Nonza », òpera rumanesca di Francesco Domenico Guerrazzi (1804-1873). •
