Settimanale naziunalistu corsu dapoi 1966

N°2930

da u 2 à l'8 d'aprile di u 2026

I sciffri di a settimana

Trump

le 03/04/2026

8 millioni d’Americani anu sfilatu stu 28 di marzu per dì innò à e pulìtiche sceme di Donald Trump. Più di 3300 manifestazioni in 50 paesi urganizate da u muvimentu « No Kings », contr’à a guerra, a pulìtica anti immigrazione, a pulizza speciale ICE, a crèscita di a puvertà…

47,6 % di a pupulazione francese hè cuntaminata da u cadnium, un metallu cancarogenu è mutageniu, hà dettu stu 25 di marzu l’Agenzia Naziunale di a Securità Sanitaria (Anses). Pruvucheghja disturbu di a ripruduzione è di u neurusviluppu, tucchendu l’ossi, i reni, u sistema cardiuvasculariu, u pancreà, a viscica, a prustata, i petti… Sarebbe a per un dettu a càusa di a crèscita impurtante di i càncari di u pancreà. U cadnium hè presente in a natura ma sta presenza hè cresciuta assai per via di e pràtiche agrìcule. I livelli di cuntaminazione sò da trè à quatru volte più impurtante in Francia chè in Belgica, in Inghilterra o in Italia, per via ghjust’à puntu di l’utilisazione tremenda d’ingrassi agrìculi fusfatati. Secondu à l’Anses sin’à 98 % di ssa cuntaminazione à u cadnium si spieca da un alimentazione ricca in prudutti cuntaminati. Pè u più cereale, pane, pasta, biscotti… u granu essendu a basa di a nostra alimentazione. L’Anses chjama à agisce in fùria per parà una « bomba sanitaria »…

50 tunnellate d’aiutu umanitariu sò avviculati sin’à in Cubà chì soffre di a peghja crisa umanitaria dapoi 30 anni per via di u blocchime ch’ellu impone l’Amèrica di Trump. Un battellu partitu di u Mèssicu cù militenti è eletti venendu d’Australia, u Brasiliu, l’Equatoriu, l’Italia, u Mèssicu è i Stati Uniti, hè ghjuntu ssu 24 di marzu in La Havane, purtendu medicamenti è pannelli sulari. I primi invii èranu ghjunti cù l’aviò da l’Auropa è i Stati Uniti. L’iniziativa face parte di a missione aeriane è marìttima chjamata « Nuestra America ». Dui altri battelli sò aspettati ssi pròssimi ghjorni. « A sulidarità hè un arma è pò trionfà di l’isulamente furzatu… ùn pudemu adimette chì u mondu è u drittu internaziunale sìanu sottuterrati da a cupidità di Donald Trump » anu dettu i militenti à bordu.

110. Hè u nùmaru à chjamà per partecipà à a lotta contr’à u Sidà. A malatia hè stata scuperta in principiu di l’annate 80 da un virus di scìmia scupertu in u 1930. Durante parechji anni si dicia à i malati « avete da more ». Oghje si pò campà cù a malatia è avè à pocu pressu una vita nurmale. Hè in grazia à u sidaction è a so ricerca chì prova à fà rinculà u male. Omu stima oghje trà 37 à 46 millioni i malati di u sidà in u mondu è circa 490.000 à 820.000 i morti ogni annu. In Francia 180.000 personi càmpanu cù u sidà è più di 5000 personi in più sò state cuntaminate in 2024. Chjamate u 110.

22.000 gumieri maruccani anu cumbattutu trà 1942 è 1945 per difende a Corsica. 1.638 sò stati tombi è 7.500 feriti. Pigliàssine à u munimentu à a Bocca di Teghjime chì cummemureghja u sacrifiziu di i Corsi è i Maruccani ch’anu cumbattutu inseme hè una vergogna senza nome. Ssu locu hè locu di memoria sacra è di rispettu per quelli ch’anu datu a so vita pè a nostra libertà. •

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Attualita

Attualità : 05/11 - 11/11

le 04/11/2026

­172 spèzie d’ape salvàtiche in Auropa sò minacciate di sparizione. Hè u doppiu per raportu à 10 anni fà (77…

Attualità : 29/10 - 04/11

le 30/10/2026

­Centinaiae di milla di personi anu manifestatu un pocu dapertuttu in Auropa sta dumenicata contr’à a vita cara, a debulezza…

Hommage

le 22/10/2026

Ce 13 octobre, plus de 600 élèves ont rendu hommage à Chloé Aldrovandi assassinée en février 2025. Des larmes, une…

Da leghje dinù

images

Accapu di a reddazzione

le 18/11/2026

Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu…

Attualità : 12/11 - 18/11

le 11/11/2026

Ukraine

21 di nuvembre in Biguglia

le 04/11/2026

60 anni

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca