Scontru d’Arritti
U 30 di maghju 2026 à 4 ore dopu meziornu
Palazzu di i Guvernatori Citatella di Bastia
Cum’è l’avemu fattu annu nant’à a quistione di a terra è di a prublemàtica di a speculazione fundaria, urganizemu un novu Scontru d’Arritti sàbatu u 30 di maghju à a Citatella di Bastia.
U tema sta volta :
A riforma custituziunale è e lingue regiunale
Invitati :
Véronique BERTILE, maestra di cunferenza di l’Università di Bordeaux, custituzionalista.
Paul MOLAC, diputatu di u Morbihan, autore di a pruposta di lege vutata in 2021 nant’à « a prutezzione patrimuniale di e lingue regiunale è a so prumuzione ».
Romain COLONNA, presidente di a cummissione di l’Affari custituziunali di l’Assemblea di Corsica
Paulu-Santu PARIGI, senatore di Cismonte
Peio JORAJURIA, Euskal Confederazioa (tbc).
À tempu chì a quistione corsa volta ind’è l’attualità parlementaria, cum’ellu s’era ingagiatu u guvernu in u quadru di u prucessu Beauvau, si pone a quistione di a mudificazione custituziunale ch’ella abbisogna a lingua corsa, è e lingue regiunale in generale, da ch’elle sìanu ristabilite in i so dritti. Frà e quistioni chì seranu dibattute :
– A riforma custituziunale prevista da l’accordu di Beauvau, s’ella era aduprata, aprerà a via à una generalisazione di a lingua corsa è à u so insignamentu immersivu ?
– Chì lotta ci vole à cunduce da chì a Francia ùn si chjodi in un andatura linguicidia contr’à e so lingue regiunale ?
Un deputatu, un senatore, una custituzionalista, un elettu regiunale, presidente di a cumissione ad’hoc di l’assemblea di Corsica è un raprisentente di a cuurdinazione di l’associ di lingua basca per sprimà u dinamìsimu militente : eccu l’invitati di stu Scontru chì ci aiuteranu à riflette nant’à l’avvene di a nostra lingua è ciò chì si ghjoca cù sta riforma custituziunale.
Amichi lettori ritenite sta data è fàtela sapè. •
