Umagiu à una di e più belle voce di Corsica, chì s’hè spenta d’ottobre 2021, ferà à mumenti cinqu’anni…
A voce di Petru Guelfucci ribomba sempre in i nostri cori. Eccu un bellìssimu cantu scrittu da Ghjàcumu Fusina. Riposi in pace o caru Pè.
Nantu à li mio quaterni
di scularu scrianzatu
nantu à la conca bianca
di tutti i nostri inguerni
nantu à lu fogliu cutratu
di a neve di ferraghju
sò eo chì scriveraghju
« A puesìa hè libertà »
Nantu à l’arestu è u disertu
di a piaghja è di l’alpale
nantu à la mio tarra stanca
di tante strade à l’apertu
nantu à l’altu casale
rittu à mezu petricaghju
sò eo chì scriveraghju
« A puesìa hè libertà »
Nantu à le case sole
d’un paese maraviglia
nant’à la rossa calanca
innuratu da u sole
nant’à tè senza sumiglia
a mio ìsula di maghju
sò eo chì scriveraghju
« A puesìa hè libertà »
