Settimanale naziunalistu corsu dapoi 1966

No data was found

Per voi, pè i zitelli d’oghje è quelli à vene

Vutate è fate vutà Pè a Corsica, un paese da fà !

Un paese da fà Pèa Corsica

le 29/11/2017

Dumènica u 3 di dicembre, u vostru votu hà da cuntà per l’avvene. Micca solu per un elezzione, micca per una mandatura : mai una maghjurità ùn s’era ingagiata per un longu andà di 10 anni, per un paese da fà, per impegnassi à fiancu à u nostru pòpulu da scambià a so sorte. Avemu u bisognu di voi tutti da riesce ssa scumessa. Mai una maghjurità ùn avia ingaggiatu l’elettore à partecipà à una custruzzione sìmule. Dumènica, vi tocca à sustèneci è incuragìsceci, da rende i Corsi più felici è cunfidenti in dumane.

 

U nostru bilanciu hè cunnisciutu, avemu fattu di più in 2 anni chè tutte e forze di diritta o di manca durante anni è anni. Puru in un cuntestu custrettu cù e difficultà bugetàrie ch’omu sà, cù i disfunziunamenti di l’Istutuzione ch’ellu ci hè vulsutu à curege, avemu pocu à pocu indiatu un mèttodu di trasparenza è di demucrazia in a gestione di u soldu pùblicu. Avemu à tempu messu in ballu a cullettività ùnica, è ingaggiatu uni pochi di rialisazioni : pianu di lotta contr’à a precarità chì mai ùn s’era fatta, nè in Corsica, nè in altrò, càrtula di l’impiecu lucale, sustegnu à l’imprese è l’attori ecunòmichi, messa in ballu d’un novu sistema di trasportu marìttimu è fine di e greve, prezzi è destinazioni nove in i trasporti aèrei, creazione di a càrtula «Ritiratu», Cumitatu di a muntagna cù un pianu d’aiutu cuncretu è a ricuniscenza di a Corsica cum’è ìsula Muntagna, salvezza di l’arrestatu Miot è travagliu nant’à un veru statutu fiscale, dinàmica à favore di a salute cù a dumanda d’un veru pianu di salvezza di i nostri uspidali, è a presa in contu di l’insularità in e pulìtiche di a salute, misure à favore di a ghjuventù, creazione di a so assemblea, pulìtica à favore di a cultura è a lingua, messa in ballu di l’acconciu di u territoriu in un veru sviluppu durèvule per luttà contr’à l’inghjustizie trà territorii, trà mare è muntagne, trà paesi è cità, priservazione di e nostre terre agrìcule per custruisce a nostra autunumìa alimentaria, priservazione di u nostru ambiente cum’è ghjuvellu di l’interessu turìsticu, messa in òpera di a transizione energètica cù a securisazione di a pruvista energètica è a rilancia di e nostre risorze rinuvelèvule, ricuniscenza di a Corsica nant’à u pianu aurupeu è mediterràniu cù a creazione di u Cunsigliu permanente corsu è sardu è a presidenza di a cummissione di l’ìsule di a CRPM, vale à dì 17 millioni di personi in Auropa, ecc, ecc…

 

U vostru votu Pè a Corsica, serà un votu pè a pace è a demucrazia, pilastri di a nostra dimarchja, in u filu stòricu di tamante lotte è sacrifizii, cù valori è fundamenti di l’interessu cullettivu, l’identità, a lingua è a cultura, da dalli a so piazza ind’è l’Auropa è u Mediterràniu. Un indiatura di 10 anni per custruisce u paese è mette in òpera u nostru prugettu di sucetà, cù una vuluntà d’apertura à tutti i Corsi, u diàlogu cù l’altre forze naziunaliste in disacordu cù noi, è cù e forze di prugressu, per una guvernanza chjara, trasparente è demucràtica, fida à u ghjuramentu fattu di pettu à u nostru pòpulu, è nu a ricerca permanente d’una suluzione pulìtica neguziata cù a presa in contu di i prigiuneri… da custruisce sta pace in vera, bramata da tutti.

 

U vostru votu Pè a Corsica, serà un votu per un statutu d’autunumìa di dirittu è d’eserciziu sanu, chì ricunnosce è assesta a cumpitenza di a Corsica à fà e so pròpie lege, in tutti i duminii essenziali di l’azzione pùblica, quelli rigaliani firmendu in lu duminiu di u Statu, è quelle cumunitàrie rilevandu di l’Unione Aurupea. Un statutu d’autunumìa chì sia in lu so mèttodu d’elaburazione, micca datu da Parigi, ma custruitu è vulsutu da a Corsica, chì cunfarisce à u pòpulu corsu a libertà è a rispunsabilità di difinisce è d’avvià si di manera demucràtica e so scelte essenziale è u so prugettu di sucetà. Un statutu d’autunumìa chì parmette d’avè cù u Statu una rilazione custruita nant’à u diàlogu, u rispettu mutuale è u partinariatu, cù un trasferimentu di risorze da permette d’esercità e cumpitenze acquistate è cù un veru statutu fiscale è suciale.

 

Ùn vi state micca in casa dumènica, è ùn aspettate micca u secondu giru, u vostru sustegnu hè indispensèvule sta dumènica da impedisce i tràmpali di quelli chì vòlenu favvi vultà in daretu.

 

U 3 dicembre, vutate è fate vutà Pè a Corsica.

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Attualita

Attualità : 05/11 - 11/11

le 04/11/2026

­172 spèzie d’ape salvàtiche in Auropa sò minacciate di sparizione. Hè u doppiu per raportu à 10 anni fà (77…

Attualità : 29/10 - 04/11

le 30/10/2026

­Centinaiae di milla di personi anu manifestatu un pocu dapertuttu in Auropa sta dumenicata contr’à a vita cara, a debulezza…

Hommage

le 22/10/2026

Ce 13 octobre, plus de 600 élèves ont rendu hommage à Chloé Aldrovandi assassinée en février 2025. Des larmes, une…

Da leghje dinù

images

Accapu di a reddazzione

le 18/11/2026

Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu…

Attualità : 12/11 - 18/11

le 11/11/2026

Ukraine

21 di nuvembre in Biguglia

le 04/11/2026

60 anni

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca