Settimanale naziunalistu corsu dapoi 1966

No data was found

L’ottu di dicembre era l’anniversariu di Gérard Holtz, è u ghjornu di a festa naziunale di a Corsica è di l’Uzbekistan.

10 manere di festighjà a Nazione

a-piazzetta

le 14/12/2016

Bon, avà a storia a cunniscite : di ghjennaghju 1735 une pochi di capizzoni rivuluziunarii decidenu di falla finita cun Ghjènuva è dichjàranu l’indipendenza.
L’ottu dicembre hè sceltu per esse ghjornu di festa. Allora eccu dece manere di festighjà a nazione corsa cum’ellu ci vole.
1. Vèstesi in Pasquale Paoli
À a ghjente ch’è vo crucerete in carrughju li dicerete « tamanta strada diritta, è core in fronte ! » Pur tà a pirucca di Pasquale Paoli hè una sensazione particulare chì vale u corpu d’esse pruvata una volta à l’annu.
2. Fà e corse à Super U è pagà in soldi corsi (i veri)
Bon d’accordu, ùn hè micca fàciule di procurassi l’antichi soldi corsi di i tempi di u Rè Tiadoru. Ma hè a glassa! Eppo a sapete, e lettere «TR» volenu dì « Theodor Rex », « tuttu ramu », « tutti ribelli » o « tamanta ramasuglia ».
3. Purtà u slip corsu
U marketing nustrale và luntanu. Mustrate ch’è vo site un veru corsu, sin’à u slip cù a testa di moru !
4. Mettite un t-shirt à slogan mal fattu
Digià chì « souvent conquise, jamais soumise » hè goffu. Ma quandu hè scrittu n’importa cumu diventa collector…
5. Sciaccàtevi u custume di «Super Corse »
Hè mor tu Gotlib, u creatore di Superdupont. Hè u mumentu di lanciavvi in una carriera di Super Corsu.
6. Spassighjàtevi cù una mazza
Cum’è quella di i giganti marini chì pòrtanu a testa di moru nant’à l’antica bandera. Vi ne pudite ghjuvà. Face prò di sfugassi certe volte.
7. Fate un selfie cù una stàtua goffa di Pasquale Paoli
Ci vole à crede ch’ellu hè statu lanciatu un cuncorsu mundiale di e stàtue goffe di Pasquale Paoli. Quella in’Aiacciu, o quella in Por tivechju, per un dettu. Basta à fidighjà a differenza cù a stàtua di Napuliò in Bastia. Pare techju di musculazione stu pistunatu !
8. Manghjàtevi dui pomi fritti
A pulenda, u figatellu, u casgiu… basta cù i clichés ! Pasquale Paoli hè statu dinù l’omu chì hà introduttu a cultura di u pomu in Còrsica. I so nemichi u chjamàvanu ancu u generale di e patate… Vulete rende omagiu à u Babbu di a Pàtria ? Sciaccàtevi dui pomi fritti.
9. Massacrate u Diu vi salvi Regina
L’innu corsu hè dunque un cantu religiosu, in talianu, chì pochi sò à cunnosce e parolle chì guasi nimu capisce. Dunque fate cum’è tuttu u mondu quand’è vo u cantate : fate un scempiu è hè normale.
10. Stàtevine in casa
In « la mauvaise réputation » Georges Brassens cantava :
Le jour du quatorze-Juillet,
Je reste dans mon lit douillet ;
La musique qui marche au pas,
Cela ne me regarde pas.
Je ne fais pourtant de tort à personne,
En n’écoutant pas le clairon qui sonne
Rendite omagiu à Brassens : stàtevi in lettu u quatordeci di lugliu è l’ottu di dicembre.
[su_youtube url= »https://www.youtube.com/watch?v=Cz9NOhwK1yo »]

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Uncategorized

le 18/11/2026

1966 Esce l’8 di dicembre, u primu nùmaru. Arritti si face a voce di tutte e mosse di l’èpica :…

21 di nuvembre in Biguglia

le 18/11/2026

Sessant’anni fà, l’8 di dicembre di u 1966, Màssimu Simeoni fundava in Bastia u settimanale Arritti. Dapoi, sessant’anni di paruzione…

Sondage IFOP

le 11/11/2026

À deux reprises auprès de l’ensemble des français, l’IFOP a recueilli le sentiment de la population hexagonale à propos de…

Da leghje dinù

images

Accapu di a reddazzione

le 18/11/2026

Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu…

Attualità : 12/11 - 18/11

le 11/11/2026

Ukraine

21 di nuvembre in Biguglia

le 04/11/2026

60 anni

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca