«Di ghjugnu scorsu avemu persu unu di i nostri. Santu Montera si n’hè andatu à d’altri celi. A so assenza hè per noi una ferita eterna, un viotu ch’ùn sapemu culmà altrimente cà fendulu campà in ognunu di i nostri canti. Ciò ch’ellu era, ciò ch’ellu ci hà lasciatu u vulemu sparte cù tutti quelli chì anu in core u ricordu di u so surrisu ». Cusì dìcenu i s’amichi di u gruppu Vitalba. Ci invìtanu à falla u 26 d’aprile à u teatru di Bastia è u 22 di maghju à u spaziu Diamante in Aiacciu.
Venite à sparte incù elli ssi mumenti d’umagiu è di cumunione.
