Settimanale naziunalistu corsu dapoi 1966

No data was found

Edimondu Simeoni

A famiglia ringrazieghja

Edmond Simeoni

le 21/03/2019

«Trè mesi fà, si n’andava Edmond Simeoni (6 d’aostu 1934 – 14 di dicembre 2018) Simu stati cumossi da a vostra presenza, di i vostri scritti, di i vostri gesti, di e vostre parolle. Ind’è l’impussibilità di risponde à tutti di manera individualizata, vi ringraziemu à tutte è à tutti, per ellu è per noi.

Ci tocca quantunque à mintuà particularmente :

E dutturesse è duttori, è tutte e squadre medicale d’Aiacciu, Bastia, Marseglia è astrò, chì l’anu curatu è accumpagnatu pendante tant’annate di strazii è sin’à l’ultima stonda ; I paisani è citatini, cunnisciuti è scunnisciuti chì c’anu aspittatu di notte tempu, à bor’di strada, ind’è u fretu è l’acqua, à spessu bandera in manu, per un’ùltimu salutu ; A Municipalità di Bastia, pè i luminelli è ritratti di a Piazza San Niculà, cum’è tanti ricordi di lotte passate è di speranze à vene ; A signora Rinieri, di l’Uratoriu San Roccu, pè a so accolta, è e Cunfraterne San Roccu è San Carlu, pè a so presenza continua di ghjornu è di notte, è i so canti sacri ; A Cunfraterna San Ghjisè ; I so amichi è amiche di e prim’ore, è tutti i militanti è militante cun quale hà viaghjatu, per più d’un mezu seculu, nant’à a strada ch’ellu bramava pè u pòpulu corsu, quella di a libertà, di a pace, di a demucrazia, è di l’umanìsimu ; E millaie d’amichi, cunnisciuti, è scunnisciuti, chì sò ghjunti in San Roccu, ch’anu scrittu, o chjamatu, è chì c’anu fattu pienghje da tantu sustegnu è tant’affettu ; I parenti, paisani, cantunali, è amichi chì c’anu accoltu in ghjesgia San Ghjàcumu, quella notte di u ritornu in Lozzi ; I centunari di persone è tutte l’imprese chì si sò impignati, solu per amicizia, pè a ceremonia è pè u cunfortu, ind’è Stella è Mathieu ; U Vescu di Corsica, Monsignore Olivier de Germay, è u Cleru, pè a so messa, è so parolle, è u so sustegnu ; L’eletti di Corsica è d’astrò, in a diversità di e so scelte è cunvizzioni ; I riprisententi di u Statu ; I cantadori di tutti i gruppi è generazioni, vinuti da a Corsica sana, puntelli maiò di a nostra storia, di u nostru prisente, è di u nostru avvene ; I riprisententi di a sucietà civile, in Corsica, è in astrò ; Tutti i parenti, paesani è amichi prisenti à l’intarru ; I media è ghjurnalisti, per ciò ch’ell’anu dettu, scrittu, mustratu, è ramintatu, è dinù per avè rispittatu ad ogni stonda a nostra intimità ; I servizzi funerarii Casanova, à fianc’à noi pendante issi trè ghjorni di dulore ; Tutte isse ghjuvanotte è ghjuvanotti, à spessu scunnisciuti, ch’anu scumpartutu u nostru dolu, è chì sò a speranza è l’avvene di issu paese. »

Lucia, a so sposa.

Gilles è Marcu, i so figlioli.

Max, u so fratellu.

A so famiglia sana.

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Attualita

Attualità : 05/11 - 11/11

le 04/11/2026

­172 spèzie d’ape salvàtiche in Auropa sò minacciate di sparizione. Hè u doppiu per raportu à 10 anni fà (77…

Attualità : 29/10 - 04/11

le 30/10/2026

­Centinaiae di milla di personi anu manifestatu un pocu dapertuttu in Auropa sta dumenicata contr’à a vita cara, a debulezza…

Hommage

le 22/10/2026

Ce 13 octobre, plus de 600 élèves ont rendu hommage à Chloé Aldrovandi assassinée en février 2025. Des larmes, une…

Da leghje dinù

images

Accapu di a reddazzione

le 18/11/2026

Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu…

Attualità : 12/11 - 18/11

le 11/11/2026

Ukraine

21 di nuvembre in Biguglia

le 04/11/2026

60 anni

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca