Arritti manda di rigalu à a nostra ghjuventù ssu bellìssimu cantu di Felì, carcu à intusiàsimu è brama d’avvene.
A chì li conta l’ore
A chì li conta l’anni
A chì li face mode
A chì li taglia panni
Sò d’oghje è d’avale
E n’anu a brama
Di campà a vita
Cum’ella i chjama
À voline più
U portanu in pettu
À voline più
L’amore è l’affettu
Amore passione
Fior’di ghjuventù
U portanu in pettu
À Voline più
Veneranu prestu
Capatoghji è stanti
U tempu di l’arte
E di fassi avanti
À arrizzà mondu
Più bellu chè eri
Ci seranu elli
Cù ingegnu è penseru
À voline più…
