Eccu cù l’istatina u FestiBallu di Tutti in Piazza, a federazione di cantu è di mùsica à ballà. Tutti l’anni, hè l’appuntamentu aspettatu per tutti l’innamurati di quadrigliu. Quist’annu torna, à u prugramma, attelli, scontri è festa da spàrtesi cù i musicanti di Tutti in Piazza è cù i so invitati irlandesi, è quist’anni un gruppu grecu in più, u Fourtouna Trio.
Nuvità dinù, una festa chì si ghjucherà in dui tempi, unu in Corti nant’à a piazza di u museu, u 25 di lugliu, l’altra in Carghjese à a sala di e feste, u 26 di lugliu. In fatti, un attellu di quadrigliu hè statu messu in piazza d’ottobre scorsu in Carghjese à a dumanda d’un Cumitatu ch’appronta i 350 anni di l’arrivata di i grechi in Carghjese. Serà dunque l’uccasione di ballà cù l’amichi grechi. Venite numarosi à sparte tutte sse stonde di piacè !
Eccu u prugramma di ste ghjurnate.
Sàbatu u 25 di lugliu
Corti, dopu meziornu
4 ore è mezu. Cunferenza di Minicale nant’à e mùsiche è balli tradiziunali in a sala di u museu di a Corsica.
5 ore. Attelu di ballu nant’à a piazza di u museu o à a Casa Torre cù quadrigliu è sets irlandesi. Saranu presenti Padraig è Roisin Mc Eneamy, creatori di u Corsican set, Mary Comboy, Martin Hugues è Shane Donnellan.
9 ore è mezu. Grande serata cù i musicanti, Minicale, Laurenza Felici, Battì Paoli, Seamus è Fidelma Bellew, Laurenzu Barbolosi. À u prugramma, quadrigliu corsu, pè i principianti è pè i cunfirmati, balli cullettivi per tutti, set dancing irlandesi, ma dinù balli grechi cù u Fourtouna Trio : Andreas Melas (cantu, liutu cuntinentale, bouzouki), Remi Foucrier (cantu, violinu), Yannis Pournaras (cantu, ghitara, bouzouki).
Un viaghju in core di l’archeri è i liuti di a mùsica tradiziunale greca è pè u più di i Nisiotika, mùsica di l’ìsule di u mare Egeu.
Dumènica u 26 di lugliu
Carghjese, dopu meziornu
5 ore, sala di e feste. Ghjuvan’Natale Dapelo Diloli, fera un puntu di l’arrivata stòrica di i grechi è di a preparazione di sta cumemurazione. Chì ne ferma oghje di sta presenza greca in u paese ?
Lionele Reybaud ferà dopu un iniziazione à i balli grechi.
7 ore è mezu. Aperitivu cenatoghju.
9 ore. Grande serata cù balli corsi, grechi, irlandesi, ma dinù balli cullettivi, fàciule per tutti, è u Fourtouna Trio.
FestiBallu : un bellu scambiu di cultura ! Venite à ballà è scopre e mùsiche irlandese è greche.
Ci serà da beie è da manghjà soprapiazza !
