Per l’auguri di Capu d’Annu hè un tsunamì di sms dop’à mezanotte…
Quist’annu torna, sò per milioni chì i SMS sò stati mandati. À chì li piace, à chì l’annerba, à chì si n’impippa, à chì serà digià chjinatu à ondeci ore.
Ci hè u textò persunalizatu, u cullettivu, l’azezu, quellu tracarcu à smileys…
Avemu circatu di fanne u ricensu nant’à u nostru situ apiazzetta.com
È voi, ch’avete mandatu ?
U classicu : Un semplice « pace è salute» vale più chè un «bonne année». Appena seccu, micca tantu originale, ma sempre efficace.
U goffu cun pienu d’emoticons : Hè francamente insuppurtèvule, moltu più chè vo sapete ch’ellu hè un sms cullettivu, un sèmplice « copié-collé ».
U minimalistu : P & S. What else ?
U sburgnò : Pacz ê salut ; Scrittu dop’à un bellu apperitivu chì hà duratu sin’à mezanotte.
Quellu chì s’hè sbagliatu d’annu : Pace è salute ! Tanti auguri di felicità pè u 2012 Hè bè, originale, ben scrittu… ma ùn ci hè chè una cosa ch’ùn và micca :
l’annata. Tandu capite ch’ellu hè un « copié-collé » d’un messagiu appena anticu.
Quellu di u Sporting : Certi ùn si puderanu impedisce d’aghjustà un Cissé à u so SMS. Bon, francamente, ùn hè micca obligatoriu hein…
L’inversitu : Salute è pace ! Piccula fantasia. Bon, ùn hè micca rivuluziunariu non più.
A magagna di l’anni 80: Puce è salate. Quelli chì si permettenu di fà quessa anu cunnisciutu à Léon Zitrone, a buatta l’Apocalypse, a R5 è Giscard presidente di a Ripublica.
U naziunalistu : Grossu successu quist’annu, avà chì tuttu u mondu hè naziunalistu.
L’azezu : Quellu chì ùn manda nunda perchè i textò di capu d’annu u stumàcanu.
U passiunatu di fucilate : À ellu, li piace capu d’annu solu pè e pistulittate. U tazzu si sente ancu in i so SMS.
L’auguri cumpletti : Bon dì. bon annu. Bon capu d’annu. Pace è salute per tuttu l’annu. Un grande classicu, mai passatu di moda.
Quellu chì ne face troppu : Di tutte e manere, ùn leghjite micca, hè troppu longu è hè sempre n’importa chè.
U nostalgicu di a Republica : Iè, ci n’hè.
U sporcu : Pace è salute. È chjavate felici !!! Bah perchè micca ?
Auguri à tutti ! (puru senza textò).
