Cuntinuemu a nosta rubrica da cuntà i tesori di a nostra lingua à traversu l’Antulugìa di e spressioni corse di Farrandu Ettori. Sse spressioni ci impàranu assai nant’à a nostra stòria è ciò chè no simu. Omu si deve di tramandale.
Ssa spressione vene probabilmente da l’Alta Rocca, dice Farrandu Ettori. Temìanu a capra farrata. Quandu si sentìa l’infernale galoppu di e so corne nant’à l’elpe è i scogli, era segnu di sgiagura è di gattiva sorte. Tandu hè nata ssa spressione chì chjama a capra farrata à spiantà tuttu nant’à u so passagiu. •
Ùn ci capisce mancu un Ghjinuvesi
Da tutte l’occupazione ch’ella hà suffertu a Corsica, quella di Gènova hè stata a più longa, dice Farrandu Ettori.
I genovesi èranu visti da i Corsi, cume ghjente astuti, d’una grande finezza, dice u scrivanu, vale à dì d’una finezza periculosa. Hè per quessa chì quandu un affare pare cumplicata, si dice chì ancu un genuvese ùn ci si capisce nunda. •
