ARRITTI manda ssu cantu à tutti quelli chì pòrghjenu a so manu per sustèneci è aiutacci à luttà contr’à ssa malatitaccia, pigliendu rìsichi cù tamanta generosità umana.
Forza è curagiu à tutti !
Compañero
di Canta u Populu Corsu
Piove nant’à a vita
L’onda sguasserà
U sangue, a nutizia
D’ellu ùn ci serà
Piove nant’à u core
L’onda infangherà
Pientu è rumore
Ma chì si pò fà ?
Una manera di cantà la storia
Una manera di fà ch’ogni loca
Per tè compañero
S’innalza una manu
Di fraternità
Piove nant’à a vita
L’onda benistà
Sumenta ardita
Chì spunta dighjà
Una manera di cantà la storia
Una manera di fà ch’ogni loca
Per tè compañero
S’innalza una manu
Di fraternità
