Scola Corsa urganizeghja u so grande cuncertu di sustegnu, sàbatu u 6 d’aprile à u spaziu culturale Carlu Rocchi in Biguglia.
Una cunferenza hè pruposta in prima parte, da 5 ore sin’à 7 ore di sera, nant’à « E virtù di u mudellu immersivu ».
Venite à dibatte cù i nostri invitati :
– Alanu Di Meglio, prufessore emeritu di l’Università di Corsica,
– Egoitz Urrutikoetxea, direttore pedagògicu Seaska,
– Ghjuvan’Petru Luciani, cunsiglieru pedagògicu in lingua corsa,
– Mirentxu Ibargarai, furmatrice pedagògica Seaska,
– Phyllis Dalley, prufessore suciolinguista in Ottawa.
U spuntinu aprerà à partesi di 7 ore, à a caffetteria di u spaziu à prò di Scola Corsa.
Pè u cuncertu di sustegnu, trè gruppi seranu à u prugramma : Una fiara nova, I Messageri è I Chjami Aghjalesi. Apertura di e porte à 8 ore.
V’aspettemu numarosi per sta ghjurnata assai primurosa per Scola Corsa ! •
Biglietterìa : https://bit.ly/cuncertu2024
