Settimanale naziunalistu corsu dapoi 1966

N°2668

da u 24 à u 30 di sittembre 2020

Ghjurnata di e lingue regiunale, u 10 d’ottobre pròssimu

Da ch’ella campi a lingua corsa !

Le Collecitf Pour que vivent nos langues le 18 juin 2020

le 27/09/2020

U 18 di ghjugnu 2020, u Cullettivu « Pour Que Vivent Nos langues », Da ch’elle càmpinu e nostre lingue, hà dumandatu audienza à u Presidente di a Repùblica, per rimètteli una lèttera chì dinunzia a pulìtica oghje cundutta è ch’affoca e nostre lingue. Ci hè di chè à fassi penseru cù tutti i dispusitivi novi presi da u guvernu, pè u più a riforma Blanquer di u bascigliè.

Sta dimarchja hè stata appughjata da 105 parlementarii, deputati aurupei, deputati à l’Assemblea naziunale, Senatori. A lèttera hè stata rimessa à l’Eliseu da Francescu Alfonsi l’aurudeputatu di a Corsica, è Paul Molac, u deputatu britone à u Palazzu Bourbon.

U scopu hè di strappà à u più in furia misure per salvà e lingue regiunale.

D’istatina, u 24 d’aostu, l’Eliseu hà infurmatu u Cullettivu chì u Presidente di a Repùblica hà dumandu à u ministru di l’Educazione Naziunale, Jean Michel Blanquer, di riceve una delegazione di u Cullettivu. Hè una bona nutizia. Ancu sè, per avà, a data di ssu scontru ùn hè micca stata cumunicata.

U Cullettivu adunisce tutti l’associ, i sindicati è uni pochi d’eletti chì lòttanu pè a difesa di e lingue è e culture regiunale.

Urganisèghja una « Ghjurnata di e lingue regiunale » u 10 d’ottobre pròssimu di fronte à i Retturati di Francia. Chjama à i parenti, l’insignanti, l’allevi, i militenti di a difesa di e nostre lingue à adunìscesi da fassi sente di manera cullettiva è cuncertata in tutti i lochi induv’ellu ci hè una lingua à difende.

In Corsica, l’azzione serà cundutta, cum’è in altrò, da i membri di u Cullettivu « Da ch’elli càmpinu e nostre lingue », vale à dì associi, sindicati è urganìsimi di a difesa di a nostra lingua cum’è l’Associi di l’Insignanti di è in Lingua è Cultura Corsa (AILCC), Praticalingua, u Cullettivu Parlemu Corsu, u STC Educazioni, l’Associu di i Parenti Corsi, eccèttera…

State attenti à e so chjame ind’è a stampa è adunìtevi cù noi u 10 d’ottobre, da ch’ella campi a lingua corsa !

 

I rinsignamenti : www.pourqueviventnoslangues.com

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Da leghje, Lingua

Lingua

le 15/10/2026

Les députés de la fédération Régions & Peuples Solidaires, le basque Peio Dufau et le breton Paul Molac ont annoncé…

A Currilingua

le 08/10/2026

À mumenti, ci simu ! A quinta edizione di a Currilingua si corre sàbatu u 17 d’ottobre pròssimu. Eccu tuttu…

Ralì Corti Centru di Corsica

le 08/10/2026

Les 19 et 20 septembre, le collectif Parlemu Corsu ! a participé au rallye Corti-Centru di Còrsica. « Era una…

Da leghje dinù

Ukraine 2

Accapu di a reddazzione

le 04/11/2026

Ùn ci hè guerre senza atrocità. Ùn pòrtanu chè sangue è suffrenze sparghjendu malamorte. Ma l’omu pò circà di mustrassi…

21 di nuvembre in Biguglia

le 04/11/2026

60 anni

Attualità : 05/11 - 11/11

le 04/11/2026

biosurveillance-abeille

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca