Durante annate è annate, U Caffè di a Mossa in Lumiu hè statu par tutti i Balanini un locu di vita, di spartera, è d’amicizia. À quandu i naziunalisti, di tutte e sensibilità, à quandu i cacciadori, à quandu i paisani, era a casa di tutti, è Dédé Lomellini era sempre quì par purtà u so aiutu, a so sperienza, è, più d’una volta, l’appaciamentu. Hè statu di tutte e lotte è un hà mancatu nè di curaghju, nè di ghjinerosità. Mai. Malgratu st’ùltimi anni ch’ellu hà passatu in Catalogna, induv’ellu hè mortu, era cum’è s’ellu ùn era mai partutu : a so stampa hè sempre firmata viva in u so paese di Lumiu, in ssu Caffè di a Mossa, è ci fermarà pà u sempre.
Arritti manda e so cundulianze fraterne à a so figliola è à tutti i soi. Ch’ellu riposi in pace.
