Ode à a nostra lingua, stu magnìficu cantu di Felì, scrittu da Ghjuvan’Tèramu Rocchi. Chè no àppiimu sempre in mente ssu bisognu di sparghje a nostra lingua !
Lingua in punta di a lingua
Quandu dici è quandu ùn dici
Lingua di i tempi infidi
Lingua di i tempi amichi
Lingua di tantu rigiru
Per campà u mondu vivu
Per esse è per esse bè
Emu bisognu di tè
Emu bisognu di tè
Pè ùn esse for’di ghjocu
Emu bisognu di tè
Pè ùn perde filu indocu
Per tene incesu u focu
Di l’amore di stu locu
Per esse è per esse bè
Emu bisognu di tè
Quand’è no simu luntanu
Emu bisognu di tè
Quant’ è di strette di manu
Per piglià ci ne un veranu
Di ricordu paisanu
Per esse è per esse bè
Emu bisognu di tè
Cum’è di pane è cumpane
Emu bisognu di tè
Cum’è d’acqua à e funtane
Cum’è di sole à a mane
Cum’è l’oghje d’un dumane
Per esse è per esse bè
Emu bisognu di tè
Quandu hè tempu di prutesta
Emu bisognu di tè
Per stà ritti in la timpesta
Per dì è pè tene testa
Pè u dolu è pè a festa
Per esse è per esse bè
Emu bisognu di tè
Pè avè postu in stu mondu
Emu bisognu di tè
Quantu u viaghju hè longu
Emu bisognu di tè
Per esse in lu vugatondu
Per esse è per esse bè
Emu bisognu di tè. •
