Biguglia hà pussutu gode di u spetàculu di I Muvrini à u Spaziu Carlu Rocchi ! Duie seanze, sala colma duie volte. A ghjente arritta à sciaccamanà è à cantà cù elli à longu longhe minute senza piantà ! Di sicuru u talente, a mùsica, e voce, i zitelli di Biguglia nant’à a scena, i messagi di speranza, ma ciò ch’incanta u più forse ghjè a reazzione di u pùblicu. Quasi tìmitu à u principiu è pò in fùria, l’ambiente chì colla è a ghjente chì riagisce à i messagi pulìtichi sparsi ! Viulenza, màffia, Ucràinia, sucietà fracicata, « disregulata »… ricerca di pace, di fratellanza, di lea…
È cum’è Arritti l’hà detta in u so edituriale di a settimana scorsa, dapertuttu in Francia dinù, sale carche à trunchera è partecipazione intusiasta di u pùblicu.
I Muvrini sò i nostri più belli imbasciadori !
Eccu qualchi fiura di sta serata in Biguglia. •
