Da Ponte Novu à l’assassiniu d’Yvan Colonna… sempre a stessa inghjustizia, e stesse strage. Eccu un cantu di u gruppu Madricale. À tutti quelli ch’aspèttanu ghjustizia è verità.
S’anu cumpratu u sole
È sfruttatu tante tarre
Ci còntanu e so fole
Per lampacci tutt’in mare
L’assassini.
Sò curbaccia cumachjati
À vèndesi l’aria fine
È mòrenu cunsumati
À l’acquistu d’un cinquinu
L’assassini.
Ci anu pigliatu à tutt’in manu
Pò ci anu stretti in farri
Cum’elli sò pochi umani
Ci tèchjanu di fìlari
L’assassini.
Ci anu betu tantu sangue
È tagliatu tante strade
Chì ci pòrtanu e stanghe
Di l’interru generale
L’assassini.
Si sò pigli di cuncertu
Moreranu di speranza
Chì fanne un desertu
Mai ùn sarete abbastanza
L’assassini. •
