ARRITTI manda ssu cantu à tutti quelli chì bràmanu l’usciu di sta crisa tremenda… Dèmuci forza, l’ora venerà di ritruvassi tutti à festighjà.
I sentu i vostri passi
À carrughjate piene
È vi sentu ciarlà
Sò in pezzi e catene
Abbraccià vi vi vecu
È basgià vi dinù
Quandu i chjodu l’ochji
È…
Mi trica l’ora
Di sente vi cantà
À voce sciolta
È ride è festighjà
Di e nostre case
E porte spalancate
Mi trica l’ora
Di sente vi cantà
Chjòccanu e canzone
È e sciaccamanate
Ogni sera per ver
Voi in biancu l’eroi
Sò tante e straziate
Per salà una vita
A vostra rigalata
È…
Mi trica l’ora
Di sente vi cantà
À voce sciolta
È ride è festighjà
Di e nostre case
E porte spalancate
Mi trica l’ora
Di sente vi cantà
Da l’alba à l’annutà
È torna sin’à l’alba
Pudessi accumbraccià
È turnà à campà
Mi trica l’ora
Di sente vi cantà
À voce sciolta
È ride è festighjà
Di e nostre case
E porte spalancate
Mi trica l’ora
Di sente vi cantà.
