In dèdica à u pòpulu ucrainianu. Ch’ellu appii curagiu è forza.
Tanta suffrenza
Spapersa in lu mondu
L’omu chì vole campà
A me speranza
In missaghju mandu
Quellu chì cerca à luttà.
Fratellu ormai
A to lotta hè mea
T’avvii mezu à l’avversità.
Cunnosci i guai
Per fà chì l’idea,
Splendi per a libertà.
Cresce la voce
Sopra à le fruntiere
Purtendu a speranza quallà
Dannu veloce
Canzone straniere
Chjamendu a sulidarità.
Lacrima pura
Chì sbuccia surgente
A fiumara di l’unità
Forza sicura
Chì richjara a mente
Soffiu di a verità.
Passa una vita
Di gioia è di pena
Passu di fideltà
Parolla scritta
Chì sempre sumera
L’avvene, chì ne serà ?
Cresce la voce
Sopra à le fruntiere
Purtendu a speranza quallà
Dannu veloce
Canzone straniere
Chjamendu a sulidarità. •
