Per unurà a memoria d’un Niolu marturiatu à l’èpica di a ripressione tremenda di u rè di Francia… stu bellìssimu cantu testimognu, scrittu da u puetone Ghjuvan’Tèramu Rocchi è cantatu da A Filetta.
Dopu à un ennèsima rivolta, una cinquantina d’omi sò cundannatu à a prigiò à vita. Ùn vulteranu micca da l’immondi bagni di Tulò… Una mannata d’altri dèvenu serve d’essempiu… U 23 di ghjugnu di u 1774, dopu à a tortura, sò impiccati 11 patriotti in piazza di u so paese. U più giòvanu avìa 17 anni.
Sè vo ghjunghjite in Niolu
Ci viderete un cunventu
Di u tempu u tagliolu
Ùn ci n’hà sguassatu pientu
Eranu una sessantina
Chjosi in pettu à u spaventu
Dopu stati straziati
Da i boia o chì macellu
Parechji funu impiccati
Ci n’era unu zitellu
L’anu tuttu sfracillatu
È’di rota è di cultellu
Oghje chì hè oghje in Corscia
Fàteci casu una cria
Si pate sempre l’angoscia
Intesu dì Marcu Maria
Era quessu lu so nome
Mancu quindeci anni avìa. •
