Balagna, Marana, Casinca, Capicorsu, Nebbiu, Tàravu, Gravona, Valincu, Sartinese, Fium’Orbu, Piaghja, Sìa, Crùzini, Cinarca, Aiacciu, Bastia,… eccèttera, eccèttera… tutte e pieve sò visitate da rispunsèvuli è militenti di Pè a Corsica, è u mondu ci hè in tutti i lochi di Corsica per pòrghjeci sustegnu.
E pròssime date, u prugramma, tutti l’appuntamenti è e dumande chè vo avete, e pudete fà nant’à e nostre rete suciale, facebook è twitter, o ind’è e numarose permanenza di campagna.
Per compie a simana scorsa, ci sò stati dui appuntamentoni, ricordu è testimogni pè i 30 anni di l’assassiniu di Ghjuvan’Battista Acquaviva, smaritu à u fior’di l’età in sta notte di nuvembre 1987. U secondu appuntamentu era u «Cuntrastu » di Gilles Simeoni nant’à Via Stella. Pudete dinù truvà u leame nant’à a nostra pàgina facebook.
Sta settimana chì vene, eccu à i primi meeting (dopu à Ghisunaccia màrcuri) saremu :
Ghjovi u 23 di nuvembre in Aiacciu
Marti u 28 in Portivechju
Màrcuri u 29 in Corti
Ghjovi u 30 in Bastia.
Parenti, amichi, vicini, culleghi di travagliu… à tutti, fate passà u messagiu : per fassi sente in Parigi, bisogna à dà forza à a lista Pè a Corsica. U 3 è u 10 di dicembre pròssimu, vutate è fate vutà Pè a Corsica, un paese da fà !
