Tutta a sterpa animalesca fù stumacata quand’è trà pècure è lupi a pace fù signata.
Sì i lupi stirpàvanu i muntoni, i pastori di a pelle di i lupi ne facìanu piloni. Nisun tranquillità in lu stazzu, nè libertà pà i lupi di fà u tazzu.
Par prova di bona vulintà d’issi nuvelli sintimenti, trà elli fècenu cambii cum’è tù a senti. I lupi danu i so luparelli, e pècure i so ghjacarelli.
I conti funu pari, virificati da i cummissari.
Sei mesi dopu, ogni lupu divintatu lupu nurmale, si sente prontu par l’attaccu generale. Una dumènica i pastori èranu à u tiercé è i lupi strangòlanu tutti l’agnelli. Mancu unu ne resta.
I lupi scàppanu in furesta, avìanu avertitu u pòpulu lupu scappendu. I cani dunque funu polsi durmendu.
Custatendu issi massacri sanguinari, avìanu l’aria intelligente i cummissari.
Muralità
Tinti turisti di e vacanza Pasquale
Ùn aspèttanu cà u signale
E cìmice di l’Hòtel Continental (1). •
- Hôtel Continental : ustarìa maiò d’Aiacciu.
