Magnìfica chjama à a libertà, ssu cantu di Felì, u dedichemu à i prigiuneri è e so famiglie ch’aspèttanu a libertà è l’appiecazione di u drittu in Corsica. Chjamemu u so vultà.
Per quellu chì tutti l’anni spaesa
À core strintu à stentàssilu un buccone
Per quellu chì ùn ne trova difesa
Quand’ellu chì minuratu hè in li strazi
Causa d’identità
Pèsati o sole pè i scurdati
Pèsati o sole per l’arrubati di sta terra
Pèsati o sole pè i spugliati
È luci à l’altu sopra à un mondu di libertà
Pèsati o sole !
Per quellu chì dice innò à l’esiliu
È cù i soi difende a so sorte
Per quellu chì u rivolta l’ardignu
Contru à l’imprese di fame è di morte
Per quellu chì hà pigliatu a machja
Causa a libertà
Pèsati o sole pè i scurdati
Pèsati o sole per l’arrubati di sta terra
Pèsati o sole pè i spugliati
È luci à l’altu sopra à un mondu di libertà
Pèsati o sole ! •
