À u nostru pòpulu in lotta, ghjòvani o più anziani, omi è donne, operai è paisani, eletti o nò, dedichemu stu cantu di i Voci di a Gravona. Forti saremu sè uniti semu.
Quand’eddi m’accurdarani chì sta terra hè a meia
Quandu avaraghju ancu eiu u me paesi à mè.
Quandu mi rispitarani senza marchjami in coddu
Quandu saraghju dinù patronu di i me lochi.
Quand’a me lingua anch’edda sarà para di a soia
Quandu eiu dinù avaraghju a me scola.
Quand’elli m’accurdarani chì sta terra hè a meia
Tandu saremi amichi parchi saremi pari.
Quandu saraghju dinù figliolu di i mei
Senza vergogna più d’essa inferiori à eddi.
Quandu eiu vultaraghju ind’e mè à campacci
Quandu ùn mi mugarà più u sò sapè supranu.
Quand’eddi m’accurdarani chì sta terra hè a meia
Quandu avaraghju ancu eiu u me paesi à mè. •
