Ce 30 mai à Bastia, se tenait la seconde édition du « Scontru d’Arritti » depuis la reprise de cette formule de débat l’an dernier. Nous traitions alors de la spéculation immobilière.
Cette année, le « Scontru » se penchait sur l’avenir des langues régionales face aux mur constitutionnel. Six intervenants, une salle bien remplie au palais des gouverneurs de la ville de Bastia, un contexte on ne peut plus au fait de ce débat (tant par la situation faite à Scola Corsa que par l’ouverture du débat parlementaire sur l’autonomie de la corse), les échanges ont été éclairants (lire notre éditorial).
Arritti reviendra abondamment la semaine prochaine sur ce débat et les différentes interventions de nos invités. •
2026 L’annata di i 60 anni d’Arritti
2026 hè l’annata di i 60 anni d’Arritti ! Sèmplice fugliettinu piecatu in dui, escia da a vuluntà d’un omu, Màssimu Simeoni, u nostru fundatore, cù una manata d’amichi in giru. Màssimu era cunvintu chì per sorte a Corsica di l’abbandonu è u disprezzu, ci vulia à dalli una voce regulare. Vale à dì una stampa capace di dinunzià, d’analizà, di prupone, di sparghje l’infurmazioni è l’edee. À tempu lea trà militenti è simpatizenti, è arnese di mubilisazione è d’azzione.
Hè natu cusì Arritti da a brama è a vuluntà d’uni pochi ch’anu apertu l’ochji. U nostru settimanale hè u sìmbulu sempre vivu, 60 anni dopu, d’una presa di cuscenza è d’una vuluntà d’esse.
Dapoi, hà fattu u so caminu, s’hè fattu sustegnu di tutte e lotte di u pòpulu corsu, da l’ambiente à l’ecunumia, da i dritti suciali à quelli più pulìtichi, è hà pigliatu e so parte in l’avvanzate di e so rivendicazioni. S’hè mudernizatu pian’pianinu, strutturatu, rinuvellatu, ma tenendu sempre a stessa lìnea edituriale : un pòpulu, una terra, una lingua, è l’autunumìa !
Hà capitu cusì ch’ellu ci vulia à àpresi di più, per nutrìscesi di e sperienze di e lotte à l’infora. È hà messu in ballu duie fòrmule di dibàttitu :
I Scontri d’Arritti, urganizatu nant’à una mezaghjurnata, per apprufundisce temi d’attualità cù ghjente chì scòntranu e stesse difficultà, è pròvanu à francà, o sò ghjunti à francà, i tràmpali. Hè ciò ch’avemu fattu stu 30 di maghju in Bastia, cù esperti di a custituzione è testimogni di e difficultà fatte à e lingue regiunale.
Di nuvembre pròssimu, adupreremu a seconda fòrmula, quella di e ghjurnate (o di a ghjurnata) d’Arritti. Serà un tempu per riflette, ma dinù per festighjà ssi 60 anni cù dibàttiti, mostre, è una grande serata culturale.
Eccu ritenite l’appuntamentu, serà u sàbatu 21 di nuvembre in Biguglia.
Aspettendu, lighjite è fate leghje Arritti.
Abbunàtevi è sè vo site digià lettori, abbunate parenti o amichi da perpetuà a missione ch’ellu avia lampatu Màssimu Simeoni, d’infurmà è di sparghje l’edea autunumista. •
