Dopu à u scumpientu di i fochi di Chjatra, Cervioni, Sant’Andria di u Cutone, hè statu magnìficu u slanciu di sulidarità in Corsica. Una seratona di più hè urganizata ssa dumènica u 21 di ghjennaghju pròssimu, in I Fulelli, in sulidarità di tutti quelli chì hanu persu assai per colpa di sta timpesta di focu, Hè l’Associu Scola In Festa di Felì chì urganizeghja sta serata cù a municipalità di Penta di Casinca, nù a sala di a mediateca di I Fulelli à pàrtesi da 6 ore di sera. I zitelli di a scola canteranu… i musicanti suneranu… ci serà da beie è da manghjà tutta a nuttata per racoglie un màssimu di soldi pè e vìttime di sta disgrazia Tutti quelli chì vòlenu partecipà per sunà o cantà, ponu cuntatà à Felì. Venite numarosi !
